أشباح سبتمبر - شبارة إسلام

أنا وإنتي جيران

ياه.. عدى زمان!

على أول مرة إتكلمنا

قربنا بكامل مشاعرنا

ومسحنا حدود.. وفتحنا حدود..

دلوقتي القرب اللي جمعنا

مابقاش موجود!

فيه غياب عـ الباب وإنتي فتحتي

أتمنى تكوني كدة ارتحتي..

ويكون جواكي حنين ليا

تراعيه برجوعك قبل ما أموت

من قاع إهمالك.. بناديكي

من حقي أحتاجك والاقيكي

أتسنّد وقت ماميل، بيكي

وتكوني الأهل وتبقي الدار

لو مش علشان أبقى حبيبك..

فعشان دي حقوق الجار عـ الجار